Revoltallo de música: Brian Boru´s March

Ola a tod@s!

Hoxe na sección "Revoltallo de música", vouvos deixar o vídeo dun tema que escoitamos a semana pasada na clase: a marcha de Brian Boru, interpretada polo frautista James Galway.


E ahí van as PREGUNTAS PARA INVESTIGAR:

1- ¿En que familia de instrumentos se clasifica a frauta traveseira?
2- ¿Como se lle chama tamén ao frautín? (pista: é unha palabra en italiano)
3- ¿De que nacionalidade é James Galway?
4- No vídeo, a frauta está acompañada dunha orquestra... pero na versión que escoitamos na clase, ¿que instrumento a acompañaba? (era un só).




Estas son as respostas correctas ás preguntas da entrada anterior:

- ¿ Que instrumentos integran un cuarteto de corda?
- Un cuarteto de corda está formado normalmente por dous violíns, unha viola e un violonchelo. Non hai contrabaixo.

- ¿ Cantas cordas teñen estes instrumentos?
Ben contestado!! Teñen catro cordas.

- ¿ Que é o pizzicato?
Ben contestado!! É unha técnica que consiste en tocar os instrumentos de corda fretada pinzando cos dedos e sen utilizar o arco. Por certo, se vos fixades no vídeo de Brian Boru´s March, veredes que a corda fretada fai o acompañamento en "pizzicato".